ప్రపంచ సాగర దినోత్సవం సందర్భంగా
"సాగరకుమార! నీ సేవ సార్థకమ్ము"
గంగను నమ్మి, కాచుదువు గండము
నుండి జనాళి, ప్రాణపుం
సంగతి లెక్కసేయక రసాతల మేగియు
నైన నీటిలో
నంగన సంతు నేమరి, పరాయణమే
నిజలక్ష్యమై సదా
నింగికి నర్రు సాచుదువు నిత్తెపు
బత్తెముకై తపించుచున్.
ధీరత మారుపేరగుచు దిక్కులు
కానని యంబరంబు నే
తీరము కానరాని నిజదేశపు సంద్రపు
మేర మీరకే
పారము లేని మీన సముపార్జన సేసి
'విదేశముద్ర' కా
ధార నిధానమౌదు, ప్రభుతల్
గురుతించును సేవ, సోదరా!
కడలియలల యూయలపైన కలలు
గనెడు
నీ కల తుపాను లుప్పెనల్ నిగ్రహింప,
వలలు, నావలు, గూడును కడలిగలియు,
నీవు నమ్మిన గంగ కన్నీట ముంచ
కంచయే చేను మేసిన కాపు పగిది,
ఎట్లు దిగమ్రింగుకొందు వీ విట్టి వ్యథను?
నేడు విందురు నీదు కన్నీటి కథను,
జాలి గొల్పును నీదు విషాదగాథ,
"సాగరకుమార!" నీసేవ సార్థకమ్ము.
'పద్యకవితిలక', 'సరసకవి'
డాక్టర్ యస్వీ. రాఘవేంద్రరావు
కామెంట్‌లు లేవు:
కామెంట్‌ను పోస్ట్ చేయండి