" ప్రజారాజధాని"
రాజధాని యిదే 'మన రాజధాని'
ఇందు 'మన మట్టి' 'మన నీరు' పొందుపరచి
రనుచు భావితరాలకు వినుచు ఘనత
కలుగు మనకు నాత్మీయతాగరిమ తోడ.
ఇందు 'మన మట్టి' 'మన నీరు' పొందుపరచి
రనుచు భావితరాలకు వినుచు ఘనత
కలుగు మనకు నాత్మీయతాగరిమ తోడ.
రైతు రాజయ్యె పొలమిచ్చి రక్తితోడ
రాజధాని వినిర్మాణ రమ్య హర్మ్య
రచన కొరకు 'నిటుక' లీయ రండు! రండు!
ఇంటి కొక పూవు, మాలగు నీశ్వరునకు
పాలుగొను డమరావతి భవ్యనగర
నిర్మితిన్ "బాబు" పిలుపున నిష్ఠతోడ.
రాజధాని వినిర్మాణ రమ్య హర్మ్య
రచన కొరకు 'నిటుక' లీయ రండు! రండు!
ఇంటి కొక పూవు, మాలగు నీశ్వరునకు
పాలుగొను డమరావతి భవ్యనగర
నిర్మితిన్ "బాబు" పిలుపున నిష్ఠతోడ.
ఆంధ్రవైభవ ప్రాభవ సాంద్ర కీర్తి
శాతవాహనాదిక వంశ చక్రవర్తు
లేలిన "యమరావతి" యమరేంద్ర రాజ
ధాని నే డాంధ్రులకు రాజధాని యయ్యె,
ధాన్యకటకంబు నా నాటి ధరణికోట,
యిది "ప్రజా రాజధాని" వర్ధిల్లుగాక!
తెలుగు కీర్తి పతాకయై వెలుగుగాక!
శాతవాహనాదిక వంశ చక్రవర్తు
లేలిన "యమరావతి" యమరేంద్ర రాజ
ధాని నే డాంధ్రులకు రాజధాని యయ్యె,
ధాన్యకటకంబు నా నాటి ధరణికోట,
యిది "ప్రజా రాజధాని" వర్ధిల్లుగాక!
తెలుగు కీర్తి పతాకయై వెలుగుగాక!
"ఆంధ్రశ్రీ", "పద్యకవితిలక", "సరసకవి"
డాక్టర్ యస్వీ.రాఘవేంద్రరావు.
సింగపూర్ లాంటి రాజధాని అవసరమా ?
రిప్లయితొలగించండిఅయ్యా చంద్ర బాబు నాయుడు గారూ,
ప్రపంచ వ్యాప్తంగా ఇప్పుడు జరుగుతున్న ఆర్ధిక పరిణామాలను మనం బేరీజు వేసుకుంటే మనకు సింగపూర్ లాంటి రాజధాని అవసరమా అని ఆలోచించండి. దాదాపు ఇరవై ఏళ్ల పాటు సూపర్ స్పీడులో పరిగెత్తిన చైనా ఒక్కసారి కుదేలై ఏం చేయాలో తెలీక దిక్కులు చూస్తోంది. అప్పు చేసి పప్పు కూడు అన్న చందాన కాలం గడిపిన గ్రీసు దేశం ఇప్పుడెలా ఉందో మనమందరం చూస్తున్నాం. చమురు ధరలు ఆకాశాన్నంటుతున్న రోజుల్లో వచ్చి పడ్డ సంపద అంతా ఆవిరయ్యే పరిస్థితిని ఎదుర్కోబోతోంది సాదీ అరేబియా అని అందరికీ తెలుసు.
ఇక నిర్మాణాల వైపు చూద్దాం. చైనాలో ఆరు లక్షల అపార్ట్ మెంట్లు కాళీగా పడున్నాయన్న విషయం మీకు తెలీదా? అంత దాక ఎందుకు మన నగరాలలోనే ఎన్ని వేల అపార్ట్ మెంట్ లు అమ్ముడు పోక పడున్నాయో మీకు తెలీదా? ఒక్క అహమదాబాద్ లోనే నలభై రెండు వేల అపార్ట్ మెంట్ లు ఇంకా అమ్ముడు పోలేదు. దాంట్లో పన్నెండు వేలు మూడేళ్ళుగా కాళీగా ఉన్నాయి. మన దేశంలో ఎన్ని షాపింగ్ మాల్స్ లో షాప్స్ కాళీగా ఉన్నాయో మీకు తెలీదా? వాటిని ఏదైనా చిన్న ఆఫీసులకు అద్దె కు ఇద్దామన్న ఆలోచనలో వాటి ఓనర్స్ ప్రయత్నిస్తున్నారు. ఇప్పుడు ఆన్ లైన్ల దెబ్బకు పెద్ద పెద్ద షాప్స్ లోని వ్యాపారాలే దెబ్బ తింటున్నాయన్న విషయం మీకు తెలుసు కదా! మయన్మార్ దేశంలో ఎనిమిది ఏళ్లుగా నూతన రాజధాని లో ఎవరూ ఉండడం లేదన్న సంగతి మీకు తెలుసు కదా!
ఐటీ రంగంలో వచ్చిన మార్పులు అంతా ఇంతా కాదు. లాభాలు తగ్గిపోతూ కొత్త ఉద్యోగుల అవసరం కూడా తగ్గి పోతోంది. దాదాపు ప్రతి రంగానికి అవసరమైన సాఫ్ట్ వేర్లు తయారయి ఉపయోగంలో ఉన్నాయి. వర్క్ ఫ్రమ్ హోం దిశగా కంపెనీలు ఆలోచిస్తున్నాయి. లాప్ టాప్ లు , టాబ్స్ వచ్చాక విశాలమైన ఆఫీసుల అవసరం తగ్గింది. బాబు గారూ, మళ్ళీ మళ్ళీ ఆలోచించండి. మబ్బుల్లో నీళ్ళు చూసి ముంత ఒలకబోసుకున్నట్లు చక్కగా పంటలు పండుతున్న భూములను మీరు ఎందుకు పణంగా పెడుతున్నారో అర్థం కావడం లేదు. రాష్ట్రంలో ఆర్ధిక భారాలతో రోజు వారీ ఖర్చులకే డబ్బులు లేని మీరు ఉట్టి కెగర లేనమ్మ స్వర్గానికెగురుతుందట అనే సామెతను నిజం చేయకండి !
http://www.bbc.com/news/magazine-19049254
http://www.vice.com/en_uk/read/no-one-lives-in-burmas-capital-city
http://timesofindia.indiatimes.com/city/ahmedabad/42000-houses-in-Ahmedabad-have-no-takers-Study/articleshow/48280016.cms
సింగపూర్‌లో సహజ వనరులు లేవు. వాళ్ళు విదేశాల నుంచి ముడి చమురు దిగుమతి చేసుకుని, ఆ చమురుని శుద్ధి చేసి, తిరిగి వాటిని విదేశాలకే అమ్ముతారు. అలాంటి దేశంతో ఆంధ్రాని పోల్చడం బోడి గుండు - మోకాలు పోలికే. ఆంధ్రా అభివృద్ధి చెందాలంటే సిమెంత్, ఇనుము, ఉక్కు, ఎరువులు లాంటివి తయారు చేసే పరిశ్రమలు పెట్టాలి కానీ ITని నమ్ముకుంటే అయ్యేది దివాలాయే.
రిప్లయితొలగించండి