సుమశ్రీ యస్వీఆర్

30, అక్టోబర్ 2012, మంగళవారం

22, అక్టోబర్ 2012, సోమవారం

మహాశక్తిస్వరూపిణి మహిషాసుర మర్దని

20, అక్టోబర్ 2012, శనివారం

"రమ్యకీర్తి గులాబు" శ్రీరాజబాబు

స్వాగతంబిదే నీకు సుస్వాగతంబు

హాస్యనట సార్వభౌమ! చే నందుకొనుమ!

పటువితరణాది గుణగణ్య! నటవరేణ్య!

"రమ్యకీర్తి గులాబు!"శ్రీరాజబాబు!

తేనెసోనల నొలికించు మానసమున,

నమృతపు ఝరులు చిలికించు మమతతోడ,

నాణిముత్యాల తులకించు వాణితోడ,

మందహాసము పలికించు మధురమూర్తి!

సునిశితంపు హాస్యమ్ము నీ సొమ్ము సుమ్ము!

ఇట్లు కడుపుబ్బ నవ్వించు టెట్టులబ్బె?

పూర్వజన్మసంచిత మహాపుణ్య మేమొ?

కాదు, కా దది ప్రేక్షక ఘనసుకృతము

జననికి జన్మభూమికి ఘనత గూర్చు

సదయ! చదివితి వీవు మా సంస్థలోన

"పూర్వవిద్యార్థి!" యిది మా కపూర్వ గర్వ

మందుకొనుమోయి! మా హృదయాంజలులను.

నీవు సృష్టించిన నీతిచిత్రంబులే

చటుల నిర్మాత వనుటకు సాక్షి,

నీతిదాయకములౌ నీ చిత్రగాథలే

చటుల రచయితవనుటకు సాక్షి,

"కోరుకొండ" కిడిన భూరివిరాళమే

అతివితరణ సుశీలతకు సాక్షి,

నవకళాకారుల నాదరించెడి తీరు

లతిదృఢ స్నేహశీలతకు సాక్షి,

రాజబాబు! ఆంధ్రాళి నీరాజనంబు

లందు నిన్ను సమ్మానించు నధిక భాగ్య

మబ్బె; రాజశబ్దంబు చంద్రార్థ మగుట

నూలుపోగుగ మా"పద్యమాల" గొనుము.

డా.యస్వి. రాఘవేంద్రరావు.

2, అక్టోబర్ 2012, మంగళవారం

మహాత్మా గాంధీ జయంతి సందర్భముగా

29, సెప్టెంబర్ 2012, శనివారం

క్షేత్ర మాహాత్మ్య కావ్యాలు రకాలు

తీర్థయాత్ర మాస పత్రిక సెప్టెంబర్ 2012 సంచిక నుండి

28, సెప్టెంబర్ 2012, శుక్రవారం

కళాప్రపూర్ణ పీసపాటి నరసంహ మూర్తి గారితో ఇంటర్వ్యూ 1

ఇంటర్వ్యూ చేసిన వారు డా .యస్వీ రాఘవేంద్ర రావు,మరియు దివాన్ చెరువు శర్మ గారు ఆంధ్ర పద్య కవితా సదస్సు ,తూ.గో.జిల్లా.

"నటవిద్యాధర" డా. పీసపాటి

హృద్యంబౌనె పఠింప రాగ కవితాహీనంబుగా పద్యముల్
ఆద్యంతంబు సరాగ డోలికల నోలార్చుంగదా నీదియౌ
పద్యం బో నరసింహమూర్తి ! మధు శశ్వత్పూర్ణకంఠా ! కళా
వేద్యా ! మాన్య "కళాప్రపూర్ణ నటనావిజ్ఞాన పారంగతా !

తగుమాత్రపు రాగంబున
నిగమోచ్చారణ విధాన నిస్తుల నటనన్
తగుహావభావముల నీ
పగిదిన్ పద్యము పఠించు భావుకుడేడీ !

ఏడీ నీవలె హాయిగ
పాడంగల గాయకుండు పండితవర్యా !
చూడగ నా శ్రీకృష్ణుడె
నే డీ ధర నవతరించె నీ రూపమునన్.

నటనంబును తపమంచు నెంచి ధృత నానానవ్యయోగంబులన్
పటు దీక్షన్ పలు హావభావములు నైపథ్యంబు శోధించుచున్
నటనాంభోనిధి పార మందితివి విన్నాణంబు సాధించుచున్
"నటవిద్యాధర !" కొల్లగొంటి వఖిలాంధ్ర ప్రేక్షక స్వాంతముల్.

"బెల్లపుకొండ" తీపియు, మీసపు సొగసు
మదిగోరె నిను ప్రేమ మాననీయ !
"బందా" కనకపు శోభయు, గానమాధురి
ప్రీతిగూడె నిను సంగీతరాయ !
"యడవల్లి" వారి యాయత సౌకుమార్యంబు
పట్టువడె నమేయ భాగధేయ !
"మాధవపెద్ది" సమ్మానార్హమౌ ఠీవి
పూర్ణంబుగా నబ్బె బుధవిధేయ !
"చతురభినయధురీణ !" సచ్చరిత ! "ఆంధ్ర
పద్యకవితా సదస్సు" సద్భక్తితోడ
చందురున కొక్క నూల్ప్రోగు సరణి సలుపు
సత్కృతిం గైకొనుము "నటచక్రవర్తి !"

రచన : డా .యస్వీ రాఘవేంద్ర రావు .