అమరజీవికి జోహారులు!

                     అమరజీవికి జోహారులు!
  పల్లవి. ఆంధ్రరాష్ట్ర సిధ్ధికై  అసువులర్పణచేసిన
          'అమరజీవీ' నీకుజోహారులయ్య! త్యాగశీలీ' నీకు జోహారులయ్య! /ఆంధ్ర/

చరణం.1.నిస్స్వార్థసేవకా! నిర్మోహనాయకా!
           నిరాడంబరమూర్తి! -నిర్మల మహాకీర్తి! /ఆంధ్ర/

         2.సంసారబంధాలు-సన్న్యసించిన యోగి!
            సంఘశ్రేయస్సుకై -సాహసించిన త్యాగి!/ఆం
 
          3.గాంధేయవాదియై -ఖాదీ ప్రచారమును
            నిర్వహించితి వీవు -నిష్ఠాగరిష్ఠతన్ /ఆంధ్ర/
 
          4.మానవుని సేవయే- మాధవుని సేవగా
             ధాత్రి ఋణమీగిన-ధన్యగుణగణ్యుడవు/ఆ
 
          5.హరిజనోధ్ధరణకై -నిరతంబుశ్రమియించి
            ఆలయప్రవేశమ్ము -కలిగించినావయ్య!/ఆం
 
          6.గట్టిదీక్షాపరుడు - పొట్టిశ్రీరాములని
             గాంధీజి మెచ్చిన -కార్యశీలుడవీవు./ఆంధ్ర
                                             "పద్యకవితిలక"
                                       డా.యస్వీ.రాఘవేంద్రరావు,
                                    ఎం.ఏ.,బి.ఇడి.,ఎం.ఫిల్.,పిహెచ్.డి

అంతర్జాతీయ మహిళా దినోత్సవం సందర్భముగా

పద్యానికి పట్టాభిషేకం

"వానప్రస్థ" పక్ష పత్రికలో నా పద్య కవిత

మహాదాత

జాతిపితకు శ్రద్ధాంజలి

రథసప్తమి సందర్భంగా

సకలచరాచర జగతి సుషుప్తికి
    బాలారుణుండు వెైతాళికుండు,
నిరతాగ్నీహోత్రుల నిత్యకృత్యాలను
   మైత్రిమై నెరవేర్చు మిత్రవరుడు,
విహగాల కందెరల్ విప్పారగాజేసి
   పొట్టకూటికి పంపు ప్రొద్డుపొడుపు,
సృష్టిస్థితి లయాఖ్య  చేష్టానిమగ్నుండు
   ఘనకార్యధుర్యుండు కర్మసాక్షి,
విశ్వవీక్షణుండైనట్టి వెలుగురేడు,
భాస్కరుండు, సకలలోకబాంధవుడగు
ద్వాదశాత్మకు, సవితృ, మార్తాండునకును,
ఆ త్రిమూర్త్యాత్మకు, రవి కే నంజలింతు!

                 డా.యస్వీ.రాఘవేంద్రరావు,
                   ఎం.ఏ.,బి.ఇడి.,ఎం.ఫిల్.,పిహెచ్.డి