సుమశ్రీ యస్వీఆర్

28, ఆగస్టు 2018, మంగళవారం

అమృతభాష తెలుగు

తెలుగు భాషాదినోత్యవ శుభాకాంక్షలు.

అమృతభాష తెలుగు

కోకిలమ్మ పాటయు, పసికూన ముద్దు
మాట, ముత్యాల మూటయు, మల్లెతోట,
తేటిపాట, నెమలియాట, తేనెయూట,
జగతిని తెలుగు మాటకు సాటి రావు.

'జనని జన్మభూమి స్వర్గమ్ము కన్నను
గొప్ప' యనుచు బుధులు చెప్పిరన్న !
మాత, యొడిని నేర్ప మనుజు తీరిచిదిద్దు
మాతృభాష గొప్ప మరువకన్న !

"అమ్మ","నాన్న"మాటలలోని కమ్మదనము,
"మమ్మి","డాడి"లందు గలదె మచ్చుకైన,
వెర్రి మోజేల పాశ్చాత్య వేషభాష
లనిన, మాతృభాషను ప్రేమ నాదరించు !

సంస్కృతి పరిరక్షకము భాషామతల్లి,
జాతికిన్ జీవగర్ర భాషామతల్లి,
"నాదు భాష , నా దేశము, నాదు ప్రజలు"
ననెడునభిమానముగలిగిమనగవలయు.

సతతము మన యింటను, బయ
ట తెలుగులో మాటలాడుటకు
పూనుమయా!
"మృతభాషగ కానీయ" మ
మృతభాష తెలు"గని జగతి
కెరిగింపవయా!

'పద్యకవితిలక', 'సరసకవి'
డాక్టర్ యస్వీ. రాఘవేంద్రరావు.

17, జూన్ 2018, ఆదివారం

మ. గురువై నేర్పితి 'వోనమాలను' సదా కూర్మిన్
ప్రసాదించుచున్,
గురువై నేర్పితి 'పద్యవిద్య' కవితల్ గూర్పంగ
ధీయుక్తిమై,
గురువున్ జేసితి నన్ను, తండ్రి కొడుకున్
గొల్వుండ నొండౌ బడిన్
అరుదౌ ఘట్టము నిర్వహింపబడెగా నచ్చోట
'స్వర్ణోత్సవాల్.'

ఉ. కొంత వయస్సు వచ్చువరకున్ దగు లాలన
పాలనంబులన్,
కొంత వయస్సు వచ్చువరకున్ తగు శిక్షణ
దండనంబులన్,
కొంత వయస్సు మీర దగు కూరిమి నేస్తపు
వర్తనంబులన్
సంతును పెంచగా వలయు జంపతులంచు
నెరింగి సాకరే ?

ఉ. బాగుగ రేల మీకు కనుపట్టకపోవుట నే
పఠించితిన్
భాగవతమ్ము, రామకథ, భారత ముఖ్య
ప్రబంధరాజముల్
ఆ గతి సాగినట్టి కవితాంబ సమర్చన
నన్ను సాకెరా !
నా గురువైతి వీవపుడు, నా గురువైతివి
'పద్య విద్యకున్.'

'పద్యకవితిలక'

3, మే 2018, గురువారం

డా కేసాప్రగడ సత్యనారాయణ గారి గృహప్రవేశం సందర్భముగా

పత్రికాస్వేఛ్ఛారక్షణదిన సందర్భంగా

పత్రికాస్వేఛ్ఛారక్షణదిన సందర్భంగా

పత్రిక జాతికి బలము, పత్రిక జాతికి గళము,
పత్రిక జాతికి స్ఫూర్తి, పత్రిక జాతికి కీర్తి,
పత్రిక జాతి వివేకవర్ధని, ఆపదుధ్ధరణి,
పత్రిక జాతికి జ్యోతి, వర్ధిల్లు నీ జ్యోతి చిరము.

అట్టి పత్రికాస్వేఛ్ఛను హరణజేయ
యత్నమొనరించు టద్ది యన్యాయమగును,
అది ప్రజాస్వామ్యవృక్షాన కగును సుమ్ము
పెద్ద గొడ్డలిపెట్టుగా, నిద్ది నమ్ము!
ఇట్టి "పత్రికాస్వేఛ్ఛ రక్షించుకొమ్ము!"

'పద్యకవితిలక', 'సరసకవి'
డా. యస్వీ. రాఘవేంద్రరావు

25, మార్చి 2018, ఆదివారం

శ్రీ రామనవమి శుభాకాంక్షలు

శ్రీవిళంబినామ సంవత్సర ఉగాది సందర్భంగా

శ్రీనన్నయభట్టారకపీఠం తణుకు శ్రీవిళంబినామ సంవత్సర ఉగాది సందర్భంగా నిర్వహించిన ప్రసార మాధ్యమాలు-ప్రభావాలు

శ్రీనన్నయభట్టారకపీఠం తణుకు శ్రీవిళంబినామ సంవత్సర ఉగాది సందర్భంగా నిర్వహించిన ప్రసార మాధ్యమాలు-ప్రభావాలు అనే అంశంపై రాష్ట్రస్థాయి పద్యకవితల పోటీలో తృతీయ బహుమతి పొందిన సందర్భముగా

21, మార్చి 2018, బుధవారం

వనదేవతలు

అంతర్జాతీయ అటవీ దినోత్సవ సందర్భంగా, వనదేవతలు

వనమును దేవతంచు తనివార ననాదిగ
గొల్ఛి సల్పదే
మనమున భక్తితత్పరత మానవజాతి

మహోత్సవంబులన్,
తనయుల పూజమెచ్చి వనదైవము
సూనఫలంబులోషధుల్
అనుపమరాగవత్సలత నందగజేయదె
స్వాస్థ్యభుక్తులన్.

వనసీమల్ మునిసీమలై వరలె నా ప్రాచీన
కాలంబునన్,
మునులు న్నైఛ్ఛిక విద్య శిష్యులకు
సంపూర్ణంబుగా నేర్పరే ?
మునిపత్నుల్ గడు పుత్రవత్సలత
కంభోరాశులై సాకరే ?
మునిరాజ్యంబులె యాశ్రమాల్,
గురుకులంబుల్ నైమిశారణ్యముల్.
- నా "పుడమితల్లి" కావ్యము నుండి
'పద్యకవితిలక', 'సరసకవి'
డాక్టర్ యస్వీ. రాఘవేంద్రరావు

21, ఫిబ్రవరి 2018, బుధవారం

అంతర్జాతీయ మాతృభాషా దినోత్సవం సందర్భంగా

శివ భక్తిని ప్రజ్వలింపచేసిన ధూర్జటి రచనలు

30, నవంబర్ 2017, గురువారం

అమ్మ భాషకు అందలం ఆనందం

27, నవంబర్ 2017, సోమవారం

పద్యరాగవేంద్ర రావు

26, నవంబర్ 2017, ఆదివారం

శ్రీ సత్యసాయి ధ్యాన మండలి ,వాకలపూడి ,కాకినాడ తృతీయ వార్షికోత్సవం సంధర్భంగా ,గురూజీ శ్రీ భిక్షమయ్య గారికి ఛందోమయ మందారమాల రచించి సమర్పించిన సంధర్భంగా

11, నవంబర్ 2017, శనివారం

విచక్షణాజ్ఞానం మానవుడి సొంతం

7, నవంబర్ 2017, మంగళవారం

నిన్నముమ్మిడివరం లో "తల్లీ నిన్ను తలంచి " పుస్తకావిష్కరణ సందర్భముగా

19, అక్టోబర్ 2017, గురువారం

"ధన్వంతరి జయంతి" మరియు "జాతీయ ఆయుర్వేద దినోత్సవం" సందర్భంగా(17-10-2017)

"ధన్వంతరీ నమోస్తుతే!"
"వైద్యో నారాయణో హరిః"

క్షీరాబ్ధిం బ్రభవించి, మాన్యముగ లక్ష్మీమాత తోబుట్టువై .కారుణ్యం బెసలారు దైవతభిషగ్వర్యుండ!"ధన్వంతరీ!"
ఆ రోగార్త జనాళి కిచ్చితిగదా ఆరోగ్యభాగ్యంబులన్
ఊరార్పంగను వ్యాధిబాధితుల నాయుర్వేద శాస్త్రంబునే.

ఉదితం బయ్యెను వైద్యరంగమున నాయుర్వేద
సంగ్రామమే
ఎదురేలేని మహారుజారుల విదారింపంగ దివ్యౌషధీ
భిదురం బీయరె మానవాళి కిల గంభీరాటవీ సంపదల్
కదనోత్సాహులు, "వైద్య శ్రీహరులు" లోకం బేలు
"నారాయణుల్."

తరచి యోషధీ సాగర తత్త్వగుణము
"శుశ్రుతుండు" రచించెను 'శుశ్రుతంబు'
'చరక సంహిత'ను రచించె "చరకవెజ్జు"
ప్రజల పాలి కల 'హరి నారాయణు' లయి.

ధరణి ప్రాణాంతక వ్యాధితతుల బాపి
మరల నూపిరు లూదుచు 'మానవాళి
మనుగడకు' సేవ సల్పెడు మాన్యులైన
"వైద్యనారాయణహరుల" ప్రస్తుతింతు.

'పద్యకవితిలక', 'సరసకవి'
డాక్టర్ యస్వీ. రాఘవేంద్రరావు

2, అక్టోబర్ 2017, సోమవారం

"సాగరకుమార! నీ సేవ సార్థకమ్ము"

ప్రపంచ సాగర దినోత్సవం సందర్భంగా

"సాగరకుమార! నీ సేవ సార్థకమ్ము"

గంగను నమ్మి, కాచుదువు గండము

నుండి జనాళి, ప్రాణపుం

సంగతి లెక్కసేయక రసాతల మేగియు

నైన నీటిలో

నంగన సంతు నేమరి, పరాయణమే

నిజలక్ష్యమై సదా

నింగికి నర్రు సాచుదువు నిత్తెపు

బత్తెముకై తపించుచున్.

ధీరత మారుపేరగుచు దిక్కులు

కానని యంబరంబు నే

తీరము కానరాని నిజదేశపు సంద్రపు

మేర మీరకే

పారము లేని మీన సముపార్జన సేసి

'విదేశముద్ర' కా

ధార నిధానమౌదు, ప్రభుతల్

గురుతించును సేవ, సోదరా!

కడలియలల యూయలపైన కలలు

గనెడు

నీ కల తుపాను లుప్పెనల్ నిగ్రహింప,

వలలు, నావలు, గూడును కడలిగలియు,

నీవు నమ్మిన గంగ కన్నీట ముంచ

కంచయే చేను మేసిన కాపు పగిది,

ఎట్లు దిగమ్రింగుకొందు వీ విట్టి వ్యథను?

నేడు విందురు నీదు కన్నీటి కథను,

జాలి గొల్పును నీదు విషాదగాథ,

"సాగరకుమార!" నీసేవ సార్థకమ్ము.

'పద్యకవితిలక', 'సరసకవి'

డాక్టర్ యస్వీ. రాఘవేంద్రరావు